about
about
about

Ակցեռն Հոլդինգը հայաստանյան անշարժ գույքի շուկայում ծավալում է իր գործունեությունը 1993թ.-ից սկսած: Ներկայումս հոլդինգի կազմում են անշարժ գույքի առք ու վաճառքով զբաղվող հինգ լիիրավ ընկերություններ (սահմանափակ պատասխանատվությամբ), իրավաբանական խորհրդատվությամբ, անշարժ գույքի գնահատման ծառայությամբ և նախագծա-շինարարական ծառայություններով զբաղվող ընկերություններ։ Ակցեռն հոլդինգի գործունեության ոլորտում են անշարժ գույքի հետ կապված ցանկացած տեսակի գործարքներ՝ առք, վաճառք, վարձակալություն, բնակելի (բնակարաններ, տներ, առանձնատներ, հողամասեր, ամառանոցներ) և առևտրային նշանակության (արտադրական օբյեկտներ), ինչպես նաև անշարժ գույքի գնահատում։ Ի լրումն նշված ուղղությունների, ընկերությունը վերջին տարիների ընթացքում մեծ հաջողություններ ունի շինարարության, ճարտարապետության և ձևավորման (դիզայնի) ոլորտում։

Ընկերության անձնակազմը համալրված է անշարժ գույքի առք ու վաճառքով զբաղվող փորձառու մասնագետներով, իրավաբաններով, շինարարներով, ճարտարապետներով և դիզայներներով, ովքեր մասնագիտական օգնություն են ցուցաբերում անշարժ գույքի հետ կապված բոլոր հարցերում։ Հեշտացնելով հաճախորդների որոնումները՝ մեր մասնագետները բազմաթիվ ծառայություններ իրականացնում են անվճար հիմունքներով։ Աշխատանքում ընկերությունը անվերհապահորեն հետևում է գաղտնիության պահպանման սկզբունքին և հաճախորդի իրական շահերի պաշտպանությանը։ Ընկերությանը տրամադրված է ոլորտի գործունեությունը կարգավորող բոլոր համապատասխան արտոնագրերը։

Հաճախորդներին որակյալ ծառայություններ տրամադրելու, լայնածավալ միջազգային կապերի, նորամուծությունների և նոր ու առաջադեմ տեխնոլոգիաների կիրառման համար 2003թ-ին. հոլդինգը «World Quality Commitment International Gold Star Award»-ի կողմից պարգևատրվել է Որակի Միջազգային մրցանակով՝ հիմնադրած «Նորամուծական ուղղությունները բիզնեսում» կազմակերպության կողմից: Հաջորդ` 2004թ.-ին, նույն կազմակեպությունը պարգևատրեց «Ակցեռն»-ին պլատինե «Գերիշխում և հեղինակություն բիզնեսում» մրցանակով։ ԱՄՆ-ի և Հայաստանի անշարժ գույքի շուկաների միջև կորպորատիվ կապի ստեղծման նպատակով՝ 2009թ. ապրիլին Լոս-Անջելեսում «Ակցեռն» հոլդինգը «Washington Capital Real Estate Services» ընկերության հետ հիմնել է համատեղ կազմակերպություն՝ ԱՄՆ-ում տեղակայված մասնաճյուղով։

Կազմակերպության իրական հարստությունն, իհարկե, իր աշխատակազմն է: Մեր գործակալները, գնահատողները, շինարարները, ճարտարապետներն ու դիզայներները ունեն որակապես բարձր պատրաստվածություն, իրենց ոլորտում աշխատանքային մեծ փորձ և միշտ Ձեր տրամադրության տակ են:

Անշարժ գույքի գործակալությունները կառավարվում են ինքնուրույն և լիազորված են զբաղվելու անշարժ գույքի (սեփական տներ, բնակարաններ, առանձնատներ, քոթեջներ, հող, առևտրային և արդյունաբերական շինություններ, ոչ բնակելի տարածքներ) բոլոր գործողություններով (առք, վաճառք, վարձակալություն, գնահատում):

Հակոբ Անտոնի Բաղդասարյան

Ակցեռն հոլդինգի նախագահ

Այլ բաժիններ: